La Rindya, omâdzo a noutrè tinyârè

En français

L’outon, chéjon y mile kolà, chêjon d’la fin di travô chu lè montanyè, chêjon di rindyè. In Tsêrmê, in chi dechando d’la bènichon, lè dêri tropi l’an fê fitha in travèrchin nouthron galé velâdzo.

Le vint-è-thin dè chaptanbre, pê na dzornâye incholèya èthê pâ mé dè chate tropi, ti pye bi lè j’on tyè lè j’ôtro, ke l’an alêgramin pachâ. Di balè bithè avu di bochon botyatâ, di bithè pouprè, di fyê j’armayi in bredzon è loyi, di fèmalè et brechàlè in dzakiyon,di bi fourdâ è di galé pyin byan, po kotyè jenè. È prà dè fiyètè è dè bouébo, ti achebin in vithirè dou payi. L’avê mimamin on poupon din lè bré a cha dona, chètya chu le trin dou tsalè. No j’an pu vêre onkora parmi lè tropi, lè barlatê avu lou mulè bin parâ dè lou chtrubè.

Ti hou tropi k’arouvâvan, vinyan d’la kràja di Mortheys, dou Grô Mon, du Mothèlon, d’la Monche è dè Vounetz. On di pye bi momin, l’è lou pachâdzo a la hôtyà dè l’Ôtel dou Martsô ou mitin dou velâdzo avu in aryére-pyan la tsêna di Gachtiyè, din tota cha byoutâ; on arè pâ pu avê ouna pye bal’èmâdze. Adon, rèmarhyin, è grô kou dè tsapi po rindre le pye bi l’omâdzo a ti hou tinyârè, armayi , fèmalè, brechàlè, infan, è ti hou galé dzouno, prèjin po lou bayi on fyê kou dè man. On grô moujiron achebin a ti lè vajiyê è vajiyêrè.

Bala Grevire, l’è achurâ avu on brin d’ouchtanna ke te vê vivre hou rindyè.

Gérard Rime

La désalpe, hommage à nos teneurs de montagnes

L’automne, saison aux mille couleurs, saison de la fin des travaux sur les montagnes, saison des désalpes. A Charmey en ce samedi de Bénichon, les derniers troupeaux ont fait fête en traversant notre joli village.

Le vingt-cinq septembre par une journée ensoleillée, sept troupeaux tous plus beaux les uns que les autres ont allègrement défilé. De belles bêtes, aux buissons fleuris, des bêtes propres, de fiers armaillis en bredzon et loyi, des dames et des jeunes filles en dzaquillon, de beaux tabliers de jolis bas blancs pour certaines. Et bien des filles et des garçons de chalet, tous en costume du pays. Il y avait même un bébé dans les bras de sa maman, assise sur le char du «train du chalet». Nous avons pu voir encore dans les troupeaux, le «barlatê»et son mulet, chargé de ses caissons à fromage.

Tous ces troupeaux qui arrivaient, venant des Mortheys, du Gros Mont, du Motélon, de la Monse et de Vounetz. L’un des plus beaux moments, fut leur passage à la hauteur du Maréchal Ferrant, au milieu du village, avec, en arrière-plan la chaine des Gastlosen, dans toute sa beauté. L’on n’aurait pu voir plus belle image. Alors, merci et grand coup de chapeau, pour rendre le plus bel hommage à tous ces teneurs de montagnes, armaillis, dames, jeunes filles, enfants et tous ces aimables jeunes, présents pour donner un vaillant coup de main. Une bonne pensée aussi à tous les gardes-génisses. Belle Gruyère, c’est aussi avec un brin de nostalgie que tu vois vivre ces désalpes.

Gérard Rime